Lyrics
chatraḿ śakti-yavāńkuśaḿ pavi-catur-jambū-phalaḿ kuṇḍalaḿ vedī-daṇḍa-gadā-rathāmbuja-catuḥ-svastiḿ ca koṇāṣṭakam śuddhaḿ parvatam ūrdhva-rekhāmalo’ńgaṣṭhāt kaniṣṭhāvadher bibhrad-dakṣiṇa-pāda-padmam amalaḿ śacy-ātmaja-śrī-hareḥ
śańkhākāśa-kamaṇḍaluḿ dhvaja-latā-puṣpa-srag-ardhendukaḿ cakraḿ nirjya-dhanus-trikoṇa-valayā-puṣpaḿ catuskumbhakam mīnaḿ goṣpada-kūrmam āsuhṛdayāńuṣṭhāt kaniṣṭhāvadher bibhrad-savya-padāmbujaḿ bhagavato viśvambharasya smara
yavam ańguṣṭha-mūle ca tat-tale cātapatrakam ańguṣṭha-tarjanī-sandhi-bhāga-sthām ūrdhva-rekhikām
sukuñjikāḿ sūkṣma-rūpāḿ smara re me manaḥ sadā tarjanyās tu tale daṇḍaḿ vārijaḿ madhyamā-tale
tat-tale parvatākāraḿ tat-tale ca rathaḿ smara rathasya dakṣiṇe pārśve gadāḿ vāme ca śaktikām
kaniṣṭhāyās tale’ńkuśaḿ tat-tale kuliśaḿ smara vedikāḿ tat-tale vyāptāḿ tat-tale kuṇḍalaḿ tataḥ
eṣāḿ cihna-tale dīptaḿ svastikānāḿ catuṣṭayam aṣṭa-koṇa-samāyuktaḿ sandhau jambū-catuṣṭayam
asavyāńghrau mahā-lakṣma smara gaura-harer manaḥ atha vāma-padāńguṣṭha-mūle śańkhaḿ tale pavim
madhyamā-talayākāśaḿ tad-dvayādho dhanuḥ smara guṇena rahitaḿ cāpaḿ valayāḿ maṇi-mūlake
kaniṣṭhāyās tale caikaḿ suśobhana-kamaṇḍalum tasya tale goṣpadākhyaḿ sat-patākāḿ dhvajāḿ punaḥ
cintaya tat-tale puṣpaḿ vallīḿ tasya tale smara goṣpadasya tale’py ekaḿ trikoṇākṛti-maṇḍalam
cintaya tat-tale kumbhān caturaḥ samanoramān teṣāḿ madhye cārdha-candraḿ tale kūrmaḿ suśobhanam
śapharīḿ tat-tale ramyāḿ tasyāpi dakṣiṇe punaḥ kūrmasya tulya-bhāge tu nimne ghaṭa-tale’pi ca
manoramāḿ puṣpa-mālāḿ smara vāmāńghri-pańkaje iti dvātriḿśac-cihnāni gaurāńgasya padābjayoḥ